എമ്പുരാനിൽ മമ്മൂട്ടിയും?? “അബ്രാം This time this Deal is With the Antichrist.ചെകുത്താൻ അന്തിക്രിസ്തുവുമായി നേരിട്ട് നടത്തുന്ന ഉടമ്പടി, ആംഷൽ മോസസ് റോത്ചൈൽഡ് “- ത്രില്ലടിപ്പിച്ച് ഹരിമോഹന്റെ എമ്പുരാൻ വെർഷൻ.

ലോകമെമ്പാടുമുള്ള സിനിമ ആസ്വാദകർ ഇരുകൈയും നീട്ടി സ്വീകരിച്ച മോഹൻലാൽ ചിത്രമാണ് ലൂസിഫർ. ലൂസിഫറി’ന്റെ മഹാ വിജയത്തിന് പിന്നിൽ പൃഥ്വിരാജ് എന്ന സംവിധായകന്റയും മുരളി ഗോപി എന്ന എഴുത്തുകാരന്റയും വലിയ കഷ്ടപ്പാടുകൾ ഉണ്ട്. ലൂസിഫർ രണ്ടാം ഭാഗമായ എമ്പുരാൻ പ്രഖ്യാപിച്ച അന്നുമുതൽ തന്നെ അതിൽ അഭിനയിക്കുന്ന അഭിനേതാക്കളെ കുറിച്ചുള്ള ചർച്ചകൾ സിനിമാ ലോകത്ത് സജീവമായിരുന്നു. മലയാളത്തിന്റെ മഹാനടൻ മമ്മൂട്ടിയും എമ്പുരാനിൽ ഉണ്ടോ എന്ന് സംശയം ആരാധകർ സോഷ്യൽ മീഡിയയിലൂടെ പങ്കുവച്ചിരുന്നു.

ഇപ്പോഴിതാ എമ്പുരാന് സ്വന്തം ഭാവനയിൽ നിന്നുകൊണ്ടുള്ള ത്രസിപ്പിക്കുന്ന കഥയുമായി ഒരു ആരാധകൻ രംഗത്തെത്തിയിരിക്കുന്നു. ഹരിമോഹൻ ജി എന്ന സിനിമ ആസ്വാദകന്റെ എമ്പുരാൻ വെർഷൻ കയ്യടി നേടുകയാണ്. സോഷ്യൽ മീഡിയയിൽ സജീവമായ സിനിമ ഗ്രൂപ്പുകളിലാണ് ഹരി മോഹൻ തന്റെ എഴുത്ത് പോസ്റ്റ്‌ ചെയ്തത്.

ഹരിമോഹൻ ജിയുടെ പോസ്റ്റ്‌ ചുവടെ :-

“ഭായ് ജാൻ Who….?
ആര് എങ്ങനെ എന്നു മാത്രമാണ് എനിക്ക് അറിയേണ്ടത്

ബോബിയെ തീർത്തു.റഷ്യൻ മാഫിയയും ഇപ്പോൾ നമ്മുടെ ചിത്രത്തിലില്ല…

പിന്നെ ആര്…ആ ഒരുത്തരം മാത്രം എനിക്ക് വേണം…!

സ്റ്റീഫന്റെ മുഖത്തു കൂടുതൽ തിടം വച്ചു വരുന്ന ഗൗരവം സായിദിന്റെ സംശയം
ബാലപ്പെടുത്തി…

“സായിദ് ഇവിടെ ഉത്തരങ്ങളല്ല
ചോദ്യങ്ങളാണ് കൂടുതൽ
അതു സൃഷ്ടിക്കുന്ന ഉത്തരങ്ങളിലേക്കുള്ള
യാത്രയാണ് ഈ ജീവിതം.
എപ്പോ എങ്ങനെ എന്നറിയാതെ തുടരുന്ന യാത്രകൾ…

പക്ഷെ ഒന്നെനിക്കറിയാം
നീ ഇപ്പോൾ പ്രതീക്ഷിക്കുന്ന ഉത്തരം അതെന്നെയും വല്ലാതെ ബാധിക്കുന്നുണ്ട്…

എനിക്ക് ഇന്ന് കോബിളിന്റെ സന്ദേശം വന്നിരുന്നു…

CIA ക്ക് എത്തിയ പ്രധാന തെളിവുകളിൽ പലതിലും വ്യക്തമായി നമ്മുടെ യാത്രകളുണ്ട്…

എങ്ങനെ…ആര്…?
അതെ നമുക്ക് മുന്നിലും പിന്നിലും
നമ്മെ നിയന്ത്രിച്ചു കളിക്കുന്ന എന്തോ
ഒന്നുണ്ട് സായിദ്,എനിക്കും അതാണ് അറിയണ്ടത്”

“പക്ഷെ ഭായ്ജാൻ അങ്ങനെ ആരാണ്..?

നിലവിലുള്ള ഒരു തീവ്രശക്തികളും നമുക്ക് എതിരെ നീങ്ങില്ല..

പിന്നെയാര്…പുതിയൊരു വരവ്…?

സായിദിനു ഒന്നും വിശ്വസിക്കാൻ സാധിക്കുന്നില്ല…

പക്ഷെ ഇവിടെ മോസ്‌കോയുടെ കനത്ത തണുപ്പിലും മുറിയിലെ ബോഗൻ മരങ്ങൾക്കു തീ പിടിക്കുന്നുണ്ടെങ്കിൽ അതിൽ ഭായ്ജാനെ ഭയപ്പെടുത്തുന്ന എന്തോ ഒന്നുണ്ടെന്നു ഉറപ്പാണ്…

ചെകുത്താനും മുകളിൽ തിന്മയെ വേട്ടയാടാൻ പോന്നൊരു
അദൃശ്യശക്തിയോ??

ഭായ്ജാൻ പറഞ്ഞത് പോലെ ഇവിടെ ഉത്തരങ്ങൾ അല്ല ചോദ്യങ്ങളാണ് കൂടുതൽ”

“Let’s start a Countdown സായിദ്…

നമുക്കൊരു 6 വരെ എണ്ണി നോക്കാം…

കോബിളിന്റെ ഒരു call കൂടി വരാനുണ്ട് അതിൽ നമുക്ക് ഉറപ്പിക്കാം എതിരെ കളിക്കുന്നത് ആരാണെന്ന്…

1,2,3,4,5,6….

ദുരൂഹത നിറഞ്ഞ എണ്ണത്തിന്റെ
മുഴക്കം മുറിയുടെ ഗൗരവത്തിന് കനം നൽകിക്കൊണ്ടിരുന്നു…

ഒടുവിൽ ആറാമത്തെ നമ്പറിന്റെ ഒടുക്കത്തിൽ സ്റ്റീഫന്റെ ഫോൺ ശബ്ദിച്ചു…

“ബോൽ കോബിൾ
എനിക്കൊരു ഉത്തരം വേണം.”

സ്റ്റീഫനും കോബിളിനും ഇടയിലെ സംസാരത്തിന്റെ ദൈർഖ്യം കൂടി വരുന്നത് സായിദ് ഗൗരവത്തോടെ നിരീക്ഷിക്കുന്നുണ്ടായിരുന്നു…

“I Know കോബിൾ…

But ഒന്നു മറക്കരുത്
അയാളാണെങ്കിൽ ആ ബൈബിൾ എഴുതിയതും ചെകുത്താൻ തന്നെയാണ്..

സ്റ്റീഫൻ ഫോൺ വച്ചതും
സായിദിന്റെ ശബ്ദത്തെ നിയന്ത്രിച്ചതും ഒരുമിച്ചായിരുന്നു…

“Call ജൂലോ സായിദ്…

അവന്റെ പിള്ളേരോട് മട്ടാഞ്ചേരി
ലോക്ക് ചെയ്യാൻ പറ…

ഇനി ഞാൻ അറിയിക്കാതെ
അവിടെയൊരു സിഗ്നൽ റേഞ്ച് പോലും ഉണ്ടാവരുത്”

ഒരു മറുപടിക്ക് നിൽക്കാതെ സായിദ് നിമിഷ നേരം കൊണ്ടു തന്നെ ഭായ്ജാന്റെ ആജ്ഞയനുസരിച്ചു…

“Who…? ആരാണ് ഭായ്ജാൻ
ആരെയാണ് ഇങ്ങനെ ഭയപ്പെടുന്നത്….

“ഇത് ഭയമല്ല സായിദ് കരുതലാണ്…
നല്ലൊരു ചതുരംഗ കളിക്ക് മുൻപ് സ്വീകരിക്കുന്ന ഒരുക്കമാണ്…

സ്റ്റീഫൻ ഗൗരവത്തിൽ തന്നെയാണ്…

“പക്ഷെ ഇപ്പോൾ മട്ടാഞ്ചേരി പോലൊരു സ്ഥലത്ത് നമുക്കെതിരെ എന്ത് സംഭവിക്കാനാണ്…?

“സായിദ് കോബിൾ സംസാരിച്ചതും ഞാൻ ഊഹിക്കുന്നതും ശെരിയാണെങ്കിൽ ഇപ്പോൾ
ഈ ബന്ധത്തെ കുറിച്ച് ഞാൻ വിശദീകരിക്കും മുൻപ് ജൂലോയുടെ ഫോൺ ഓഫ്‌ ആയിരിക്കും.
കൃത്യമായി പറഞ്ഞാൽ ജൂത തെരുവിൽ കേറുന്ന അതെ നിമിഷത്തിൽ തന്നെ”

“ഭായ്ജാൻ…
You are right..his….ph…!

സ്റ്റീഫൻ സംസാരിച്ചു നിർത്തിയപ്പോൾ തന്നെ ജൂലോയെ വിളിച്ച സായിദ്
തരിച്ചു നിന്നു…

സായിദിന്റെ മറുപടി കണ്ട സ്റ്റീഫന്റെ മുഖത്തെ ഗൗരവത്തിനു മുറിയിലെ നേരിപ്പൊടിന്റെ തിളക്കത്തിൽ പതിയിരിക്കുന്നൊരു സിംഹത്തിന്റെ ഛായ തോന്നുന്നുണ്ടായിരുന്നു

“ഇനി അവരെ അന്വേഷിക്കണ്ട സായിദ്..
അതവരാണ്…ആ സന്ദേശം നമുക്ക് ഉടനെ വരും…

ഒരിക്കൽ മടങ്ങിപ്പോയവരാണ്
തോൽവി സമ്മതിച്ചതാണ്
പക്ഷെ നിർത്തിയില്ല അങ്ങനെ നിർത്തില്ല.ആ ചോരയ്ക്കും ചരിത്രത്തിനും അങ്ങനെ തിരിഞ്ഞു നടക്കാൻ കഴിയില്ല…

നമ്മൾ ഒരുങ്ങണം സായിദ്
യുദ്ധം നടക്കും…അതെന്റെ ഉറപ്പാണ്”

“പക്ഷെ ആര് ഭായ്ജാൻ
എനിക്കുത്തരം വേണം”

[…you have a message…]

സായിദ് വീണ്ടും സംശയം
ചോദിച്ചതും അയാളുടെ ഫോണിലൊരു മെസ്സേജ് വന്നതും ഒരുമിച്ചായിരുന്നു

“Pls check That സായിദ്
അതായിരിക്കും നമുക്കുള്ള സന്ദേശം…

സ്റ്റീഫൻ പറയുന്നതിനൊപ്പം തന്നെ മെസ്സേജ് നോക്കിയ സായിദ് ഒന്നു വിറച്ചു…

ജൂലോയുടെ വെട്ടിയെടുത്ത തലയുടെ ചിത്രം അതിനു താഴെയൊരു എഴുത്ത്

[Yours favorable Red Rose”

നിങ്ങളുടെ പ്രിയപ്പെട്ട ചുവന്ന പനിനീർപ്പൂവ് ]

അതിനു താഴെ രേഖപ്പെടുത്തിയിരിക്കുന്ന ചിത്രപ്പണികൾ ചെയ്ത പഴയ ജർമ്മൻ ലിപിയിൽ ആലേഖനം ചെയ്തൊരു എഴുത്ത്…

[ROTHSCHILD’S FAM]

സായിദിന്റെ ശ്രദ്ധയെ ക്ഷണിച്ചു കൊണ്ടു അതിനൊപ്പം മുഴങ്ങുന്ന സ്റ്റീഫന്റെ ശബ്ദം…

“ജൂതമാരാണ്…സായിദ്..

മേയർ ആംഷൽ റോത്ചൈൽഡ് എന്ന ജൂതൻ 1744- 1812 നും മധ്യ ജർമനിയിലെ ഫ്രാങ്ക് ഫുർട്ടിൽ സ്ഥാപിച്ചു വളർത്തിയ ബാങ്കിംഗ് ബിസിനസ്സിൽ തുടക്കം കുറിച്ച റോത്ചൈൽഡ് ഫാമിലി…

ഹിറ്റ്ലറിന്റെ വംശീയ ഉന്മൂലനവും
രണ്ടാം ലോക മഹായുദ്ധവും ലോക സാമ്പത്തിക ക്രമത്തെ
അതിക്രമിച്ചെങ്കിലും ജൂതന്മാർ അവരുടെ വിശുദ്ധ ഭൂമിയിലേക്ക് തിരിച്ചെത്തിയതു മുതൽ
അല്ലെങ്കിൽ അതിലേക്കു നയിച്ചത് തന്നെ റോത്ചൈൽഡ് ഫാമിലിയായിരുന്നു…

അതുകൊണ്ട് നിർത്താൻ അവർ ഒരുക്കമല്ലായിരുന്നു…

ലോകത്തിന്റെ നാനാവശത്തും ചിതറി കിടന്ന റോത് ചൈൽഡുകൾ ഇപ്പോൾ ബാങ്കിംഗ് മാത്രമല്ല ആയുധം,മദ്യം സ്വർണ്ണം,രാഷ്ട്രീയം ഇങ്ങനെ ഓരോന്നിലും നിയന്ത്രണം വയ്ക്കുന്നുണ്ട്.

അമേരിക്കൻ സിവിൽ വാർ സമയത്ത് സോവിയറ്റ് റഷ്യയിൽ വച്ചു നടന്ന തുറന്ന യുദ്ധത്തിൽ റോത്ചൈൽഡുകൾ നമുക്ക് മുൻപിലും ഫ്രീ മേസൺസിനു മുന്നിലും തോൽവി സമ്മതിച്ചതാണ്..

പക്ഷെ ഒളിഞ്ഞും തെളിഞ്ഞും ഇപ്പോഴും കീഴടങ്ങാത്ത ചില വിഷമുള്ള പത്തികൾ ഇവിടെ ബാക്കിയാണ്…

കോബിൾ എന്നോട് സൂചിപ്പിച്ച സന്ദേശത്തിൽ CIA ക്ക് എത്തുന്ന വിവരങ്ങളിൽ പഴയ പലായന കാലത്തെ
ജൂത ഭാഷയുടെ സാന്യധ്യം
കണ്ടെന്ന് പറയുന്നു…
അതും മലയാളത്തിന്റെ സൂചനകൾ…

അതും മട്ടാഞ്ചേരിയും ചേർത്തു വായിച്ചാൽ,നമ്മുടെ ഇന്നത്തെ ശത്രുവിന്റെ സാന്യധ്യം അതവിടെ തന്നെയാണ്..

നമുക്ക് ചുറ്റും അല്ലെങ്കിൽ
നമുക്ക് പിന്നിൽ തന്നെ..

സായിദ് നിനക്കറിയില്ല ജൂതമാരുടെ ഫോർട്ട്‌ കൊച്ചിയും മട്ടാഞ്ചേരിയും…!

അവിടെ ഇപ്പോഴും അവർക്കു വേണ്ടി തുറക്കുന്ന വാതിലുകളുണ്ട്..
കാപ്പിരിക്കാവലുള്ള മാടങ്ങളും ശവക്കല്ലറകളും ജൂതന്മാരെ ഇപ്പോഴും മറച്ചു പിടിക്കുന്നുണ്ട്…

അവിടെ എവിടെയോ ചെന്നായ്ക്കൂട്ടത്തിന് നടുവിൽ അയാളുണ്ട്…

നമ്മുടെ ശത്രു…

അവരുടെ ചരിത്രം പേറിയ മുറിവിന് ലോകത്തിന്റെ രക്തം എന്നൊരു അർഥം കൂടിയുണ്ട്…

ഭയക്കണം സായിദ്”

സ്റ്റീഫൻ പറഞ്ഞു തീർന്നിട്ടും സായിദിന്റെ മുഖത്തെ ഭയം വിട്ടു മാറുന്നില്ല…

റോത്ചൈൽഡുകളുടെ തിരിച്ചു വരവ്…

ഭായ്ജാൻ പറഞ്ഞത് പോലെ യുദ്ധം തന്നെയായിരിക്കും…

പക്ഷെ ആര്…ആരായിരിക്കും
ആ അവസാനത്തെ റോത്ചൈൽഡ് കണ്ണി?

ഇതേ സമയം മട്ടാഞ്ചേരിയിലെ ജൂതപ്പള്ളിയുടെ കീഴ്‌വാരത്തിൽ നിന്നൊരു കൊഹിബൻ ചുരുട്ടിനു തീ പിടിക്കുകയായിരുന്നു..

നേർത്ത ഇളം പച്ച നിറമുള്ള കണ്ണുകളും പിരിഞ്ഞ ചെമ്പൻ മീശയും കനത്ത താടിയുമുള്ള മുഖം..

അയാൾക്കു സമീപം
ചോരയിറ്റിച്ചു മോന്തുന്നൊരു ചെന്നായ കിടന്നു വെറി പിടിക്കുന്നുണ്ടായിരുന്നു

ഭംഗിയായി വസ്ത്രധാരണം ചെയ്ത കോട്ടിലും തുന്നിയെടുത്ത ജ്യൂട്ട് സ്യൂട്ടിലും കണ്ണിനെ മറച്ചു പിടിച്ച കറുത്ത കണ്ണടയിലും അതീവ സുന്ദരനും എന്നാൽ അതിക്രൂരനുമായ അവസാനത്തെ റോത്ചൈൽഡ്…

അയാൾ ഫോണിൽ മെല്ലെ
ചുണ്ടുകൾ ചേർത്തു…

ചുറ്റിലും കൊഹിബൻ പുകയുന്ന മണം നിറഞ്ഞു.അയാൾക്കു ചുറ്റിലും ആജ്ഞ കാത്തു നിൽക്കുന്ന സംഘങ്ങളുടെ നിരയുണ്ട്…

അയാൾ ഫോണിൽ തുടർന്നു…

“അബ്രാം This time this Deal is With the Antichrist…

ചെകുത്താൻ അന്തിക്രിസ്തുവുമായി നേരിട്ട് നടത്തുന്ന ഉടമ്പടി…

ആംഷൽ മോസസ് റോത്ചൈൽഡ്🔥

സ്റ്റീഫാ നീ നിർത്തിയിടത്തു നിന്നു
ഞാൻ തുടങ്ങുന്നു”

War Begin’s…Lucifer The Antichrist🎬

Brother♨️Brotherhood♨️Betrayal…

Top