രാജ്യത്തെ ഓഹരി വിപണികളില്‍ തുടര്‍ച്ചയായ രണ്ടാം ദിവസവും കനത്ത ഇടിവ്. സെന്‍സെക്‌സ് ഇന്ന് 502.92 പോയിന്റ് നഷ്ടത്തിലും നിഫ്റ്റി 134.70 പോയിന്റ നഷ്ടത്തിലുമാണ് വ്യാപാരം ആരംഭിച്ചത്.
രാവിലെ 9.15ന് സെന്‍സെക്‌സ് 0.86% നഷ്ടത്തില്‍ 57,962.97ല്‍ വ്യാപാരം തുടരുമ്പോള്‍ നിഫ്റ്റി 0.77% നഷ്ടത്തില്‍ 17281ലെത്തി.
സെന്‍സെക്‌സില്‍ മെറ്റല്‍, ബേസിക് മെറ്റീരിയല്‍ എന്നിവയുടെ ഓഹരികളില്‍ നേരിയ മുന്നേറ്റമുണ്ടെങ്കിലും റിയല്‍റ്റി, ഫിനാന്‍സ് ഓഹരികള്‍ നഷ്ടത്തിലാണ്.
സെന്‍സെക്‌സ് ഇന്നലെ 1170.12 പോയിന്റ് നഷ്ടത്തിലും നിഫ്റ്റി 348.30 പോയിന്റ് നഷ്ടത്തിലുമാണ് വ്യാപാരം അവസാനിപ്പിച്ചത്.
